Вэб сайт хийлгэхэд ямар үнэтэй вэ?

Биднээс хамгийн их асуудаг асуулт бол “Вэб сайт хийлгэхэд ямар үнэтэй вэ?” Харин вэб сайтын олон элементүүд нь субьектив учир шууд тэд гэж хэлэх нь ярьвагтай байдаг. Харин та энэ нийтлэлээр дамжуулан вэб сайтын үнэ хэрхэн боддог мөн ямар зардал захиалагч талын хувьд гардаг талаар хангалттай ойлголтой болно.

Вэб сайт хийх талаар бодох үед ихэнх бизнесүүд зөвхөн харагдах байдлыг авч үзэх гээд байдаг. Хэрэв шинэ бизнес бол ялангуяа доорх зүйлсийг онцгой анхаарах хэрэгтэй:

  • Стратеги
  • Брэнд
  • Агуулга бүтээх
  • Дизайн
  • Програмчлал
  • SEO (Хайлтын системд тохируулах)

Вэбийн компаниуд үнээ хэрхэн тогтоодог вэ?

Вэб сайтын хийх үнэ тогтооход голлох нөлөө үзүүлдэг зүйл нь хэр зэрэг ажиллагаа ихтэй вэб сайт вэ гэдгээс хамаарна. Бид вэб сайтын үнийн тооцоолохдоо “Төлөвлөлтийн шат” ашиглан тогтоодог.

Ер нь бол энгийнээр үзүүлвэл ажиллагаа их байх тусам их цаг, хөдөлмөр зарцуулж төслийг төлөвлөх, өгөгдлийн сан зохион байгуулах, загварчлах, хөгжүүлэх гэх мэт ажил хамаарч үнэ өсдөг.

Дижитал агентлагуудын вэб сайтын хэр их ажил орох болон ямар өртөгтэй болохыг тогтооход хамгийн их асуудаг асуулт нь:

  1. Таны бизнест одоогоор вэб сайт болон брэнд байгаа юу?
  2. Таны бизнес шинэ бизнэс үү?
  3. Хэр түвшний бүтээлч дизайн хүсч байна?
  4. Ямар зэрэглэлийн технологи ашиглахыг хүсч байна?
  5. Вэб сайт нээлт хийсний дараа хэр их ажиллагаа тогтмол хариуцах эсвэл маркетингд шаардалатай болох вэ? гэх зэрэг асуултанд хариулт олох хэрэгтэй.

Жич: Одоо байгаа вэб сайтыг шинэчлэх нь зардлыг 25%-р бууруулдаг.

Одоо агуулга бүтээх стратегийн талаар бага зэрэг дурьдая.

Хэрэв бизнес нь багагүй хугацаанд оршин тогтож байсан бол зардлыг нэлээд хувиар бууруулах боломжтой.

Тэгээд вэб сайт хийхэд яг ямар үнэтэй байдаг юм бэ?

Бидний 13 жилийн туршлагаас хархад вэб сайт хийх үнэ ойролцоогоор доорх хэлбэрээр ангилагддаг:

  1. Жижиг бизнесийн маркетингийн зорилготой вэб сайт: 1-5 сая төгрөг
  2. Дунд зэргийн бизнесийн маркетингийн зорилготой вэб сайт: 5-10 сая төгрөг
  3. Томоохон бизнесүүд, онлайн дэлгүүр, хэрэглэгчийн хэрэгцээнд тохирсон өгөгдлийн сан, вэб апп зэрэг нь: 10-50 саяд хэлбэлздэг.

Хэдээр вэб сайт хийхийг шийдэх нь магадгүй хялбар байж болох юм. Харин хэцүү хэсэг нь “та хэнд итгэж ажлаа хийлгэх вэ?” Ямар нэг үйлчилгээний байгууллага (барилгын засвар, тавилга хийлгэх, машин засуулах гэх мэт) хөлсөлж үзсэн хүн бүр л чин сэтгэлээсээ ажиллаж чадах ёс зүйтэй итгэж болох газар олох ямар хэцүү вэ гэдгийг мэддэг. Найдвартай вэб сайтын байгууллага олно гэдэг яг ижил хэцүү зүйл юм.

Маш олон үйчлүүлэгчид маань “нэг хүнээр вэбээ хийлгэсэн чинь утсаа таслаад алга болчихлоо, одоо вэб ч үгүй, мөнгө ч үгүй” гэсээр ирдэг. Сайн үйчилгээ авна гэдэг эхэндээ зардал өндөр байдаг ч том зургаар танд хэмнэлт болдог.

За та вэб хийх байгууллагаа сонгочихлоо. Одоо ажлаа хэрхэн үр дүнтэй хийлгэж, өөр нэмэлт зардлаас урьдчилан сэргийлэх вэ?

Эхлээд, ямар хэмжээний бүтээлч дизайн хүсэж буйгаа тодорхой болгох хэрэгтэй.

Хамгийн хямдаар, хамгийн сайныг гээд зүтгээд байж болохгүй.

Вэб сайтын дизайныг үнэлэнэ гэдэг бага зэрэг яривагтай. Учир нь бүтээлч дизайн (creative design) бол субьектив ойлголт юм. Жишээ нь манай нэгэн захиалагч маань яг юу хүсч буйгаа мэдэхгүй, шийдвэр гаргаж чадахгүйгээс болоод бид маш олон өдрийн нэмэлт ажил хийх шаардлага гарсан юм. Энэ нь эргээд нийт төслийн гүйцэтгэлийн хугацаанд нөлөөлсөн.

Харин нөгөө талаас хэрэв үйлчлүүлэгч юу хусч буйгаа тодорхой мэдэх тусам дизайнерүүдэд маань ажиллахад улам үр дүнтэй болдог. Мөн, мэргэжлийн зураг авалт, видео бичлэг нь үндсэн үнэ дээр нэмэгддэг.

Дараа нь програмчлалын хувьд хэр зэрэг ажиллагаа ихтэй вэ.

Програмчлалын ажил нь ихэнх тохиолдолд нийт үнийн 50%-г эзэлдэг. Ихэнх жижиг, дунд бизнесийн энгийн маркетингийн вэб сайтын хувьд ажиллагаа тун хялбар байдаг. Ажиллагаа болон үнэ өсгөдөг үзүүлэлтүүдээс заримийг дурдвал:

  • Гишүүнчлэлийн систем
  • Онлайн дэлгүүр
  • Банктай холбогдох систем
  • Бүтээгдэхүүний каталоги
  • Зөвхөн таны хүсэж байгаа онцгой програм
  • Гадны өөр байгууллагатай онлайнаар холбогдох гэх мэт…

Сайн мэдээ нь, дээрх төрлийн модуль ажлуудын дийлэнх нь өмнө нь хийгдсэн байх тохиолдол байдаг. Өөрөөр хэлбэл дээрх зүйлсийг заавал 0-с нь эхэлж програм бичээд байх шаардлагагүй юм. Хэрэв яг зөв модулийг олоод вэб сайтдаа холбоод ашиглах юм бол хэдэн зуун цагийн програмын ажлыг багасгах боломжтой.

Вэб сайтын гүйцэтгэлийн дараахь хариуцах үйлчилгээ

Эцэст нь бид вэб сайт хариуцах болон маркетингийн ажлын үнэлгээг тогтоох хэрэгтэй.

Энэ 2 ажлын зардал таны маркетингийн төсөвт багтах ёстой. Хариуцах үйлчилгээ нь үндсэндээ 2 төрлийн ажил хийгддэг:

  1. Сайтын текст, мэдээлэл, зураг, видео болон бүтээгдэхүүн шинэчлэх. Эдгээр ажлууд гадын байгууллага эсвэл вэб сайт гүйцэтгэсэн байгууллага нь хийх боломжтой. Ихэнх жижиг вэб сайтуудын мэдээлэл тийм ч олон солигдоод байдаггүй. Харин тогтмол солигддог мэдээлэлтэй, бүтээгдэхүүнтэй сайтуудад арай илүү цаг зарцуулах хэрэгтэй.
  2. Вэб сайтын үндсэн код, фрэймворк, нэмэлт кодуудыг шинэчлэх. Ихэнх жижиг дунд бизнэсүүдийн хувьд сарын зардал 100’000-300’000 төгрөг байх боломжтой. Энэ төлбөрт, сайтын кодыг сүүлийн үеийн хувилбараар шинэчлэх, сайтын код болон мэдээллийг нөөцөлж хадгалах, сервер эсвэл хостын аюулгүй байдлыг хангах, тайлагнах болон бусад ямар нэгэн вирусын, хакераас хамгаалах зэрэг ажлуудад зарцуулагдана. Вэб сайтын модуль, функцээс хамаарч цаг, төсөв өөр өөр байх талтай.

Эдгээр ажилд төсөв суулгаж, ажилласнаар таны бизнесийн “онлайн салбарт” оруулсан хөрөнгө оруулалт хамгаалагддаг.

Онлайн маркетингийн тогтмол зардал

Бид үйлчлүүлэгч нартаа дор хаяж сардаа 500’000-1’000’000 төгрөгийг онлайн маркетингд төсөвлөхийг зөвлөдөг. Дундаж бизнесийн онлайн салбарыг вэб сайт 60%-70%, бусад доорхь зүйлс 30%-40% бүрдүүлдэг.

  • Сошиал медиа сувагууд (Facebook, Youtube, Twitter, Linkedin, Instagram гэм мэт)
  • Онлайн сурталчилгаа, баннерууд
  • Имэйл маркетинг
  • Бусад маркетингийн сувагууд (линк солилцох, партнер байгууллагууд хэсэг логогоо байрлуулах, бизнес вэб сайтуудын санд бүртгүүлэх гэх мэт)

Хэрэв дээрх зүйлс дээр бүгдэд нь анхаарал хандуулж ажиллахгүй бол өнөөдрийн технологийн эрин үед таны бизнес өрсөлдөх чадваргүй байнаа гэсэн үг. Маркетингийн зардлын хувьд стартегиас хамаарч зардал харьцангуй юм.

Вэб сайтын нээлт хийснээс хойш тогтмол зардал нээр дурдсанчлан байна. Таны бизнесын орлого, нэр хүнд, хоногшилт, өсөлт нь хэр идэвхитэй, жигд, тууштайгаар маркетингид хөрөнгө оруулснаас хамаардаг. Бизнес бүр өөр өөр, үүнчлэн бизнес бүрийн шаардлага, хэрэгцээ өөр. Хэдий тийм ч бизнесийн тогтмол төсөвт тогтмол зарцуулах төсөв суулгаж өгөх нь зайлшгүй чухал зүйл гэдгийг дээрх мэдээллээс авсан гэж найдаж байна. Хэрэв тэгэхгүй бол таны бизнесийн вэб сайт цөөн хэдэн хүн жилдээ зочилдог алслагдсан сумын төв шиг болох вий!

Танд асуулт байсаар байвал олон жил энэ салбарт тууштай ажиллаж байгаа мэргэжлийн байгууллагад хандаарай. Ингэснээр та хөрөнгө оруулалтаа хамгаалж үлдэнэ шүү!

Вэб сайт нээлт хийхээс өмнө заавал шалгах ёстой нэгдсэн жагсаалт

Арай гэж вэб сайтаа хийж дуусаад одоо нээлтээ хийхэд бэлэн болсон уу? Шинэ вэб сайт нээнэ гэдэг ялангуяа нээлтээ хийнэ гэдэг стресстэй ажил. Яг дуусахын өмнө жижиг зүйлс орхигдох гээд байдаг талтай. Дээр нь яг ямар түвшинг эсвэл ямар шалгуур хангасан үед бэлэн болсонд тооцох вэ гэдэг бас л тодорхойгүй байх гээд байдаг. Тиймээс Метавайс танд шинэхэн вэб сайтаа олон нийтэд зарлахаас өмнө заавал шалгах ёстой жагсаалт бэлдлээ. Энэ жагсаалтыг эхнээс нь дуустал шалгаад болсон байвал таны вэб сайт нээлтээ хийхэд бэлэн гэсэн үг.

  1. Ашиглалтын шалгалт

    1. Сайтын хурд

      Таны вэб сайт хэр зэрэг хурдан ажиллаж байна? Хурдыг яг найдвартай шалгасан уу? Ямар үнэлгээтэй байгааг та мэдэж байгаа юу?
      Вэб сайт яг 100% төгс оноо авах тохиолдол ховор. Учир нь тухайн брэнд загвар функцээс хамаараад олон төрлийн код ашигладаг учир хурданд нөлөө үзүүлдэг. Дундаж вэб сайтын уншиж дуусах хугацаа нь 6.5 секунд байдаг бөгөөд сайтын хурдны дундаж үзүүлэлт 72% байдаг. Ажиллахгүй байгаа линкүүд болон хэрэггүй Javascript болон өөр сайтаас дуудаж байгаа кодуудыг арилгах хэрэгтэй. Мөн вэб сайтын зургуудын хэмжээг шахах хэрэгтэй.

    2. Gzip хийсэн эсэх?

      Энэ нь вэб сайтын хэмжээг 70-60% шахаж багасгаж хэрэглэгчдэд үзүүлэх технологи юм. Ингэснээр мэдээж хурд нэмэгдэнэ. Энэ нь дан хэрэглэгчид биш мөн хайлтын системд ч таатай нөлөө үзүүлдэг.
      Багаж: http://www.gziptest.com/

    3. Автомат Cache хийгдэж байгаа эсэх

      Вэб сайтыг cache хийснээр мөн хурд нэмэгдэж сайтруу хандах бүрд шинээр уншилгүй зарим агуулгыг шууд тухайн төхөөрөмжөөс нь дуудаж ажиллуулна.
      Багаж: http://smallseotools.com/google-cache-checker/
      Багаж: GTmetrix, Google PageSpeed Insights

    4. Цэс, холбоосууд мөн менюний жигд ажиллах байдал

      Вэб сайт дотроо шилжиж байгаа цэсүүд бүгд хэвийн ажиллаж байгаа эсэхийг шалгах хэрэгтэй. Цэсээс гадна сайтын хуудас дотор байгаа мэдээллүүд дунд чинь бусад хуудасруу шидэж байгаа холбоосууд байгаа эсэхийг шалгаарай. Жишээ нь: бидний тухай хэсэгт үйлчилгээнүүдийн нэрсийг дурдсан ямар нэг мэдээлэл байгаа бол тус бүрийг нь үйлчилгээний хуудасруу нь мөн адил холбож өг. Ингэснээр сайтын хайлтын системд олдох боломжийг нэмэгдүүлэх бөгөөд, хэрэглэгчдэд ч мөн ашиглахад хялбар болгодог. Мөн одоо байгаа хуудасны байршлын тодорхойлогч байгаа эсэхийг шалгаарай. Албан ёсны нэр нь Breadcrumb.

    5. Цэсүүдийн линк нь бүгд зөв ажиллаж байна уу?

      1. Хуудас дотор холбоосууд орсон байна уу?
      2. Breadcrumb байна уу?
      3. Breadcrumb бүх хуудаснуудад зөв ажиллаж байна уу?
    6. Зураг оновчилж тохируулах

      1. Зургуудад чинь Alt Tag орсон байна уу?
      2. Зургийн файлын хэмжээг шахсан байна уу?
      3. Зургийн файлын нэрийг тухайн контенттой уялдуулж нэрлэсэн байна уу? Багаж: Tinypng, Optimizilla, Content Forest
    7. 404 хуудас байгаа эсэх

      1. 404 хуудас буюу ямар нэг байхгүй хуудасруу орох үед гарч ирэх алдааны хуудас байна уу?
      2. 404 хуудас хараад вэб сайтаас чинь хүмүүс гарч болохгүй. 404 хуудас дээр ямар нэг бусад хуудасруу хөтлөх холбоосууд байна уу? Багаж: 404 хуудасны санаанууд: Creative blog (Best 404 Pages)
    8. Ямар нэг Frame эсвэл Flash ашиглаагүй байгаа эсэх

      Энэ хоёр технологийг ашиглахаа болиод удаж байгаа ч зарим залуус маань вэб сайт хийхдээ ашигласаар байгаа нь тухай сайтыг хайлтын систем болон нууцлал зэрэг олон тал дээр эрсдэлд оруулж байдаг.

    9. Вэб сайтын агуулга уншигдах байдал & хоосон зай

      Агуулгууд тань уншихад энгийн, фонт нь хангалттай том байна уу? Мөн хоосон зайнууд зөв байгаа эсэх. Текстийн багана хооронд эсвэл 2 талд хоосон зай нь хэрэглэгчийн анхаарлыг сайн төвлөрүүлдэг тул ийм зайг анхнаасаа тооцох нь чухал юм.

    10. Вэб сайт тань Responsive буюу бүх төхөөрөмж дээр ажиллаж байна уу?

      1. Гар утас болон таблет дээр вэб сайт тань тохиромжтой харагдаж байна уу?
        Судалгаагаар нийт вэб хэрэглэгчдийн 55% илүү хувь нь гар утаснаас вэб сайтууд үздэг билээ. Мөн зочдын 67% нь гар утас дээр хэвийн харагдаж байвал худалдан авах хандлагатай байдаг.
        Багаж: Responsive шалгах
    11. W3C стандартыг хангаж байна уу?

      Таны вэб сайт дэлхийн вэб сайтын холбооны стандартыг хангасан байна уу?
      Багаж: W3C Validator

  2. Вэб сайтын агуулга буюу контент

    1. Үг үсгийн болон дүрмийн алдаа

      Агуулга тань ямар нэг үг үсгийн алдаагүй байна уу?

      Багаж: Монгол агуулгын хувьд: http://spell.bolorsoft.com/
                    Англи агуулгын хувьд: Grammarly мөн Grammar Check

    2. Агуулга / HTML харьцаа

      Таны вэб сайтын 25-70 хувь нь текст эсвэл ямар нэг HTML байж чадаж байна уу? Хэт их зураг эсвэл видео байгаад агуулга текст байхгүй бол хайлтын системд таагүй оноо авдаг тул заавал нягтлаарай.
      Багаж: SEO Chat Tools, Small SEO Tools энэ үзүүлэлт шууд нөлөөлөхгүй ч олон талаар нөлөө үзүүлдгийг анхаараарай.

    3. Агуулга тань өөр нэг вэб сайттай давхцаж байгаа эсэх?

      Ижил агуулгатай байвал хайлтын систем таны сайтыг өмнөх сайттай нэг ангилалд оруулах боломжтой бөгөөд ингэснээр та шинээр өрсөлдөх боломжоо алдаж өмнө байсан сайттай өрсөлдөх хэрэгтэй болно. Мэдээж шинэ агуулгатай контенттой бол шинэ сайт гэдэг утгаараа хайлтад илрэхдээ илүү байх болно.
      Багаж: Copyscape

    4. Meta Tag-ууд байгаа эсэх

      Вэб сайтад тань Мета Таг-ууд байна уу? Сайн чанарын хайлтын түлхүүр үгийн багажаар оновчтой түлхүүр үгүүдийн жагсаалт гаргаад тэдгээрийг вэб сайтын кодод суулгаж өгөх хэрэгтэй. Ингэснээр хайлтад гарч ирэх боломжийг нэмэгдүүлнэ.
      Багаж: Google Keyword Planner, Keyword tool

    5. Дүрэм, журамтай холбоотой хуудас байгаа юу?

      Ялангуяа онлайн худалдааны вэб сайт ажиллуулах гэж байгаа бол сайтын дүрэм, журам болон ашиглах нөхцөлүүдийг дурьдаж өгснөөр таныг ямар нэг хуулийн асуудалд орохоос хамгаална.

    6. Өнгөний зохицол

      Таны сайт өнгөний зохицлын хувьд сайн байж чадаж байна уу?
      Багаж: Coolors, Paletton.

    7. Сошиал медиа холбоос мөн шэйр хийх боломж байна уу?

      Вэб сайтын тань толгой, хөл, дэд хуудаснууд болон бусад бүх хуудсанд сошиал медиа хуудастай холбох эсвэл шэйр хийх боломж орсон байгаа эсэх.
      Багаж: SumoMe, Shareaholic, Add This

    8. Холбоосууд

      Сайтын тань холбоосууд хайлтын систем шалгагч роботтой холбогдох боломжтой байгаа эсэх (friendly). Мөн хоосон эсвэл эвдэрхий холбоосуудаа засаарай.
      Багаж: Broken Link Check, W3C Link Checker

    9. Гарчгийн зориулалтын  Tag ашигласан байна уу?

      Сайтыг угсарч байхдаа зориулалтын таг ашиглах нь хайлтын системд маш чухал нөлөө үзүүлдэг. Тиймээс бүх гарчгууд тань H1, H2 болох H3 зэрэг тагууд ашигласан эсэхийг шалгаарай.

    10. Favicon байна уу?

      Сайтын брэндийг илэрхийлэх бөгөөд хэрэглэгч таны сайтыг хадгалах, гар утасны дэлгэц дээрээ хадгалах үед апп шиг харагддаг учир брэндэд чухал нөлөөтэй байдаг.
      Багаж: Dynamic Drive Tools, Favicon Generator

    11. Сайтын хөлийн хэсэг

      Сайтын доош нь гүйлгэж үзсэний дараа буцаад дээш гүйлгэнэ гэдэг төвөгтэй.
      Хөлийн хэсэгт очсоны дараа бусад хуудасруу шууд үсрэх линк байна уу?
      Эсвэл шууд дээшээ үсрэх холбоосууд байна уу?
      Хөлийн хэсэгт хангалттай мэдээлэл байна уу?

  3. Хайлтын системд бүртгэх & зочдын тоолуур

    1. Google Webmaster Tools

      • Вэб сайт тань Google Search Console бүртгүүлсэн байна уу?
      • XML sitemap Google-д бүртгэгдсэн байна уу?
    2. Google Analytics

      • Вэб сайт тань Google Analytics -д бүртгүүлсэн үү?
        Вэб сайтаа Google Analytics-д бүртгүүлснээр таны вэб сайтад хэн хаанаас яаж хандаж байгаа дэлгэрэнгүй мэдээллийг авах боломжтой. Мөн тухайн тохиргооны кодыг зөв хэсэгт буюу хөлийн хэсэгт байршуулах хэрэгтэй. Мөн хуурамч эсвэл та өөрийн ажлын газрын болон гэрийн IP хаягуудаа филтэрдэж хасах хэрэгтэй. Ингэснээр танд яг бодит мэдээлэл очих болно.
    3. Зочидтой шууд харилцах чатын боломж

      Таны вэб сайтад орж ирсэн зочин бүр таны ирээдүйн үйлчлүүлэгч байх боломжтой. Тиймээс тэднийг та мэдээж алдахыг хүсэхгүй.
      Сайтад орж ирсэн хүн бүртэй гар утас, компьютер гээд хаанаас ч тэдний асуултад шууд хариулж мөн хэрэглэгчдийн сан бүрдүүлэх боломжтой. Тийм боломж таны сайтад байгаа эсэхийг шалгаарай.

  4. Хамгаалалт & нөөц хувилбар

    1. Маш олон бизнесүүд вэб сайтад хөрөнгө оруулалт хийсний дараа тэр хөрөнгөө эзэнгүй хамгаалалтгүй орхидог. Тэр бүх ажил, зарцуулсан хөрөнгө оруулалтыг хамгаалах хэрэгтэй.Firewall буюу хакеруудаас хамгаалсан хамгаалалт байгаа эсэх
    2. Вирусээс хамгаалагдсан байна уу? Ихэнх залхуу вэб хөгжүүлэгч нар угаасаа хостонд суулгасан байгаа гэж магадгүй, тэр нь энгийн нийтэд нь хамгаалах, зөвхөн таны вэбийг хамгаалах гэдэг тусдаа ойлголт шүү.
    3. Мөн вэб сайтыг автоматаар бүхэлд нь тогтмол нөөц хувилбар хуулж авч өөр газар хуулж байх хэрэгтэй. Бид хийсэн вэб сайтуудаа өдөр хоног бүр хуулж Google drive, Dropbox болон бусад газруудад тараан нөөцөлж байдаг. Тэгэхээр таны хөрөнгө оруулалт хэзээ ч салхинд хийсэхгүй.

Шалгаж дууссан бол таны сайт нээлтээ хийхэд бэлэн болжээ!

БАЯР ХҮРГЭЕ!

Хэрэв таны вэб сайтад дээрх бүгд байхгүй бол бидэнд хандаж болно. Бид дээрх засваруудыг олон жил хийж байгаа учир мэргэжлийн үйлчилгээ танд үзүүлж чадна.

Энд дарж үнийн санал хүлээн авах анкет бөглөөрэй.

Сошиал медиа тохиромжит цаг

Сошиал медиа гэдэг зүйл бидний ажил амьдралд өдрөөс өдөрт улам ихээр түрэн орж байна. Хэрэв одоо сошиал медиатай өөрийн бизнесээ өрсөлдөгч нараасаа өрсөж холбогдуулахгуй л бол таны бизнес ард хоцрох тийм цаг үед бид өрсөлдөж байна. Тиймээс өөрийн дуу хоолойг, бизнесийн онцлогийг сошиал медиа дээр зөв оновцтой онилж мөн зөв цаг хүргэх нь хамгийн чухал. Хичнээн сайхан контент бэлдээд тэр нь буруу цаг цацагдвал үр дүнгүй хоцрох болно.

Ингээд сошиал сайтуудыг хүмүүс хэдэн цагийн үед хамгийн ихээр хэрэглэдэг болохыг доорх инфографик харуулж байна. Яг энэ цагуудад постоо тарааж чадвал үр дүн бодитой болно.

Товчхондоо бол хүмүүс ихэнхдээ цайны цагаар болон оройн амралтын цагаар сошиа медиаг түлхүү ашигладаг нь харагдаж байна.

Мөн дан ганц сошиал медиа нь таны бизнесийн гол зүйл гэж харах нь өрөөсгөл зүйл юм. Сошиал медиаг та далайгаас загас барихтай зүйрлэж болно. Харин загасаа бариад завиндаа татаж оруулах хэрэгтэй. Өөрөөр хэлбэл хүмүүс сошиал хуудсаар дамжаад таны бизнесийн онлайн салбар болох вэб сайтад орж ирэх ёстой. Нэгэнт таны бизнесийн “онлайн салбар” болох вэб сайтад орж ирсэн бол та борлуулатын дараагийн алхамуудаа илүү хүчтэй хийх боломж бүрдэнэ. Бүх сатаарлуудыг арилгаж байгаад үйлчлүүлэгтэйгээ тулж ажиллах боломж бүрдэнэ гэсэн үг.

Бид вэб сайт хийх үйлчилгээг сүүлийн 14 жилийн турш Монгол болон АНУ-д хийж байна. Хэрэв таны бизнесийг 24 цагийн турш дэлхий нийтэд төлөөлж байдаг “онлайн салбар”-аа байгуулах эсвэл одоо байгаа вэб сайтаа улам сайжруулах хэрэгцээ байгаа бол бид таны урт хугацааны найдвартай түнш найз болон ажиллахад бэлэн байна.

Бидэнтэй [email protected] хаягаар холбоо бариарай.

blog-the-science-of-social-timing-hi-res